Despues di hopi tempu di plania, un grupo di 50.000 hende, nan animalnan i tur nan pertenensianan a sali na pia for di Babilonia, i a sigui nan biahe krusando banda di un riu, den serunan i den sabana. Tabata un biahe ku hopi aventura, kalor, difikultatnan pa haña kuminda, i awa. Pero tur esaki tabata nada, ora ku nan a realisá ku ladronnan tabata purba hòrta nan bestianan den anochi. Despues di hopi tempu di plania, un grupo di 50.000 hende, nan animalnan i tur nan pertenensianan a sali na pia for di Babilonia, i a sigui nan biahe krusando banda di un riu, den serunan i den sabana. Tabata un biahe ku hopi aventura, kalor, difikultatnan pa haña kuminda, i awa. Pero tur esaki tabata nada, ora ku nan a realisá ku ladronnan tabata purba hòrta nan bestianan den anochi.
Nebo i su famia ku tur e hendenan lo por logra yega Israel un dia? Ladronnan lo hòrta nan buriku, kamel i kabainan den anochi? Lesa e buki aki pa bo sa mas tokante di e pueblo di Dios i e tera primintí.

Djamal ta slo un tiki pa e kue rosea. Binchi ta sigui kore yen spit bai lag’é. Un hòmber gordo, kara rondó, kòrá kòrá ta kore su tras. Djamal ta slo nèt nèt pa e hòmber kore yega serka i saka su man pa gara Djamal i Djamal ta bùk, skùif, i kore bai lag’é. No tin nada ku e hòmber por hasi. E muchanan ta muchu mas lihé kuné! Binchi ta kore bai, para na un distansia i saka su lenga. Den e buki aki, Riba Kaya ku Hamber bo por lesa e historia di Djamal i Binchi ku semper tin hamber i ta hasi tur loke nan por pa hòrta of haña kuminda.

“Kore kore! …Abo bai pabou…, ami ta pasa di patras.” Miéntras e promé figura ta kore duru bai pèrdè den un hanchi skur e ta grita: “Na unda nos ta topa?” “Chin” e kontesta ta bin di e direkshon kontrali. Esei ta e último palabranan promé ku tur dos figura skur, disparsé den anochi. Zonido pisá di pia, i un rosea hanshá ta trata na pèrsiguí nan. Kachónan ta blaf sin miserikòrdia. Skuridat ta skonde e dos suhetonan. Niun hende no ta mira nan mas. Nubia ta tapa e tiki luna ku tin. Hanshá, sodá i rabiá un hòmber ta keda para na kuminsamentu di e kaya smal, skur i sushi kaminda el a mira e último suheto disparsé aden. Drenta òf nò? Kòrda e malechor ta skondé tras di kualke barí òf muraya ku un palu kla pa batié!? Ku duele e ta pensa riba su pòtmòni ku 200 florin aden. Ken a mand’é bin den e bario. skur aki? E ta disidí di bèl polis ounke ku e sa ku nan lo no por hasi nada. E no a mira ken a atrak’é i e lo no por duna un deskripshon. Solamente e sa ku nan tabata dos. Nèt ora e bira pa bai su outo bèk e ta mira ku su rabu di wowo su pòtmòni bentá kantu di kaya. E ta bula riba dje. Manera el a pensa, e pòtmòni no tin e sèn aden. Su sèn a disparsé. Aliviá e ta konstatá ku su reibeweis, papelnan i sédula si t’ei ainda… Hopi leu for di dje e dos amigunan atrakadó ta topa otro. Nan ta sinta riba stupi di un restorant chines den nan mes bario. “Kuantu sèn nos a gana?” Esun delegá, koló kòrá ta puntra e otro. “Lagami konta…” Esun mas skur ta bisa. “Nos tin 200 florin.” “Laga nos kita for di dje promé ku nan yega. Duna mi 100 florin pa mi warda.” Esun koló skur ta tuma e papel di 100 florin, dobl’é chikí chikí i hink’é den su boka, na su banda di kara. Di e forma aki e ta sigurá e sèn pa niun hende no hòrt’é. No ta e promé bia ku nan ta pèrdè nan botin. Nan a bira sabí. “Ban…ban…ata nan ta bin.” E malechor delegà ta bisa hanshá. “Nò, mi ke kome, mi no a kome awe ainda.” E otro ta bisa. “Pero nos ta pèrdè tur e sèn si nan haña nos! Ban!” Ku urgensia esun delegá ta ranka su amigu na su man. Kontra di su boluntat su amigu ta komplasé. Nan ta kore drenta mondi, sali na e otro banda i buska un otro chines pa nan kumpra un kuminda. Despues di kome diferente pia di galiña ku batata den sous i bebe un serbes nan ta lèn kontra di un palu. Ha, barika yen ta un bon kos. Ni un minüt nan no ta pensa riba doño di e sèn ku nan a hòrta.

E buki aki ta dediká na Sila Kelie, Papa Bubu Melfor Suzanna Fransiska i Mimina (Katibu di Boneiru) Sila Kelie (Mai Sila) a kria mi hopi aña i e buki aki ta dediká kompletamente n’e pa su amor p’ami. El a siña mi kon ta mata galiña, kuida mata i kushiná kuminda krioyo.

Papa Bubu, di Banda Bou, tabata manera un tawela pa mi i el a konta mi mashá kos di pasado. Su mayornan a kont’é di tempu di katibu. Hopi di loke ta skibí aki ta kosnan ku el a konta mi personalmente.

Suzanna Fransiska (Tanchi Chu) ta un di mi welanan ku a kuida mi hopi den mi bida. Dia ku el a bai sosegá i mi tabata atendiendo su

papelnan ofisial mi a ripará ku el a nase na 1913. Esaki ta nifiká ku e la nase djis 49 aña despues di abolishon! Esta su wela o bisa wela mester

tabata katibu òf por lo ménos a biba den tempu di sklabitut!

Guia Práktico pa Skibi un Buki. Siña Skibi bo Buki Paso a Paso.

Skibi un buki ta un kos hopi dushi pero na mes momento por ta hopi estresante. Un eskritor por keda pegá mahos i sin por kaba e buki. E buki por tuma demasiado tempu, bira muchu diki òf keda muchu fini. Tin algun eskritor ta kaba nan buki, pero nunka ta tuma e siguiente stap pa publiká. Talbes e paso ei ta parse demasiado grandi! Algu imposibel i kostoso. E buki ta keda einan den e kòmpiuter òf den e lachi sin niun hende les’é. Un kos mi por bisa bo ta ku skibi un buki ta, e eksperensia di mas dushi na mundu! Naturalmente mi no ta bai hasi manera e ta dushi so, e ta un trabou duru tambe.

Tin hende ta keda pensa ku nan no tin sufisiente talento pa skibi un buki. Naturalmente talento pa skibimentu ta yuda bon pero no wòri si bo no tin talento. Bo por siña skibi! Bo por kuminsá skibi kuenta kòrtiku, “blog post”, òf artíkulo pa “Facebook”. Si bo konosé un hende ku un blog, un website

òf un revista di skol òf korant bo por skibi p’é. Asina bo ta trein pa skibi bo buki. Kada eskritor tin su mes estilo di skibi. Siña Skibi bo Buki Paso a Paso.

Dios ta amor

Esaki ta tanchi Rugia su vèrsíkulo preferí. Tanchi Rugia a nase na Kòrsou, riba 24 di febrüari 1943.

El a bai biba na kas di orfanato (Weeshuis) ku edat di 7 aña.

E ta konta di bon tempunan ku el a pasa einan. E ta konta kon el a siña papia Hulandes, kose i pasa prèt. Den e último añanan Nansh ku Tirzo a bira su kompañeronan. Tur kaminda nan tres ta move huntu. Bo yega restorant, bo ta topa nan. Bo yega The Movies, bo ta topa nan. Djadumingu tur tres ta huntu na misa. Tanchi gusta hunga dominó i Mens erger je niet. E gusta kome kos dushi, spesialmente mangel i bakoba. Tanchi Rugia gusta baila mes mes. For di yòng el a baila i te ainda asina un muzik zona, e ta marka paso. E ta baila tur hende ku nos konosé bou di mesa. No tin mihó bailarín den nos famia. Tanchi Rugia gusta pushi, flor, laman, kachó i papia hari. Tanchi Rugia stima klùr. Tur día e ta klùr den su bukinan. I ora e kaba di klùr e prinsesanan, e ta bisa: “Atami aki”. Awèl awe nos a disidí di tin Prinsès Rugia su mes buki p’e, ku tur su famianan ku e stima i ku ta bishit’é, bèl e i hasi su bida kontentu apesar di e malesa ku e tin. Ban selebrá tanchi Rugia! Un muhé dinámiko i yen di pashon.

Tanchi Rugia nos stimabo.

Kiko bo pastor a papia awe? Nota e teksto di Beibel ku bo a tende awe.

Skirbi loke ku bo a tende awe den iglesia. E por ta un versíkulo, òf un palabra ku a kapta bo atenshon. Kiko a impaktá bo mas tantu awé? Kiko a impreshoná bo mas tantu? Kiko Dios ta bisa bo?

Ken Dios ta bisa ku E ta? Identifiká kualidatnan di Dios ku E ta mustra nos den e teksto aki. Pensa riba ken Dios ta; Ta bisa ku E ta; Dios Su spiertamentu, Dios Su amor. Dios Su plannan. Awor puntra bo mes “Kiko awor? Si ta asina Beibel ta bisa, kiko mi ta bai hasi diferente? Kon e Palabra ta bai moldia mi bida? Kiko tin ku kambia? Repasá na kas i hasi orashon. Pidi Dios yuda bo, skirbi un orashon.

Danki na Dios ku a inspirá mi pa ta un eskritor. Dios a habri mi wowo pa e nesesidat di nos muchanan. Bida a bira hopi mas duru pa muchanan den e tempu ku nos ta biba aden aki. Muchanan tin ku dil ku hopi pèrdida i ferdrit, tin bia sin un sistema di sosten grandi rondó di nan i sin ku nan por papia i deshogá nan mes. Mi orashon ta pa hopi mucha por rekonosé strategia pa dil ku pèrdida i ferdrit den bida siguiendo e lucha ku Hannah a hiba den e buki aki. Un danki ta bai na mi amigunan ku a sa di kere den mi i sostené mi ora mi kier a hasi mi soño di skibi bira bèrdat. Den e lunanan ku a pasa Hannah a bira manera un yu muhé di mi den kas. Un danki ta bai na mi amiganan di kurason Jenny, Jefka, Arelis i Sylvia pa yuda mi lesa i koregí e teksto. Tambe mi amigu chikínan en espesial e “speshalista” den lesamentu Teffy. Un danki ta bai pa e persona ku a hasi tur e kosnan aki posibel ku ta mi mama Diana. For di chikí el a kore bai tur marshe di pruga ku mi pa kumpra kaha di buki pa mi lesa i semper el a insistí pa mi lesa korant. Ku awe mi por skibi ta pasobra na mucha mi a lesa. I por último mi kerido kasá Ed ku a hasi tur su posibel pa sostené mi i adoptá Hannah komo yu, pa awe boso por mira “Hannah i su kabai” boso dilanti. Un danki na mi yunan Timothy, Bryan i Jo-Hanna ku a biba ku mi tur e oranan ku mi mester a dediká na skibi i koregí. Hannah a bira nan ruman tambe. Mi no ke keda sin bisa danki na e papiamentistanan RoseMary Keli, Irene Dick i Barche Baromeo.